សម្ពាយជីវិត

ដំណើរផ្លូវឆ្ងាយ ដែលជាប់ជាមួយ នឹងសម្ពាយធ្ងន់ វត្ថុច្រើនជាប់ស្មា ពិតជាលំបាកនឹងដល់ទិសដៅណាស់។ សម្ពាយគ្រួសារ សម្ពាយបងប្អូនញាតិមិត្ត ដែលត្រូវជ្រោមជ្រែង។ បើចំពោះរឿងខ្លះមិនចាំបាច់ខ្លាំង ទម្លាក់ចោលខ្លះ តែមិនបោះបង់ការទទួលខុសត្រូវទេ នៅជួយ នៅតែខ្វាយខ្វល់ជានិច្ច តែកុំដល់ថ្នាក់យឹតកខ្លួន។

សម្ពាយជីវិតយឹតជាប់ស្មា មានរឿងគ្រួសារដែលត្រូវយោង សាច់ញាតិប្អូនបងលូកដៃឈោង ជីវិតធីងធោងយោងឧបសគ្គ។

សម្ពាយការងារមមាញឹក ធ្វើការល្ងាចព្រឹកដើម្បីប្រាក់ ត្រូវមេជេស្តីឥតដែលអាក់ខានដូចគេចាក់់នឹងកាំបិត។

សម្ពាយម្យ៉ាងនោះព្រោះមិត្តភក្តិ ជនយើងជឿជាក់ជុំជិតស្និទ្ធ សុខៗដើរចេញពីជីវិត ទុកយើងអោយឋិតនៅម្នាក់ឯង។

ជីវិតអ្នកលេងកន្ទុយលេខ

យល់សប្តិឃើញពស់នៅរស់ប្រាំក្បាល ពិសគួរស្រើបស្រាលស្រក់ចេញពីមាត់ ពណ៍ខ្មៅទាំងអស់ខ្លួនវែងហើយធាត់ ទន្លទេញចាំស្ទាត់រត់មាត់ដល់ថ្ងៃ។

ពស់ដល់ទៅប្រាំចាំច្បាស់ខ្ទង់ហារ ពណ៍ខ្មៅវិញណានេះលេខប្រាំបី ខ្លួនវែងហើយធំគ្មានបញ្ហាអ្វី ពិសស្រក់ដល់ដីរាសិខ្ពស់កប់។

កាត់ខ្សែហារក្រាស់ព្រោះច្បាស់ខ្លាំងពេក ភ្ញាក់ពីដំណេកញាក់ភ្នែកមិនឈប់​ គិតថាសំណាងសភ្តុតាងមានគ្រប់ ទៅទាំងព្រលប់ឈប់ផ្ទះមេឆ្នោត

 ខ្ញុំចាក់ខ្ទង់ហារជឿថាមិនខុស ដាក់តាមខ្ញុំចុះបើខុសខ្ញុំកោត​ យប់ស្តាប់វិទ្យុត្រចៀកប្រឹងផ្តោត មានអីលេខឆ្នោតចេញចំខ្ទង់សែ។

ដំបូងក្អាកក្អាយសប្បាយជាមុន ឥឡូវទុក្ខធ្ងន់ឈឺចិត្តឥតល្ហែ អស់ទ្រព្យសម្បតិ្តញាតិមិត្តលែងក្បែរ​ ផ្សងល្បែងច្រើនតែវិនាសជានិច្ច។

ជីវិតក្មេងពាល

អំណាចភ្លើងពណ៍ញាប់ញរ័កន្រ្តាក់ យុវះអ្នកស្ម័គ្រលិចលង់ជាមួយ ជ្រួលជ្រើមជ្រុលជ្រួសបេះដូងរញ្ជួយ ជីវិតរលួយលិចលង់ឡប់ឡែ។

សេពគប់គូកនគំនិតមិនល្អ រាត្រីត្រាច់ចរចេញរកស្រីស្នេហ៍ ស្និទ្ធស្នាលមិត្តភក្ត្រភ្លាំងភ្លាត់ភ្លេចម៉ែ ដែលប្រឹងគ្មានល្ហែថែកូនអោយល្អ។

ជីវិតក្មេងពាលពេញដោយគ្រោះថ្នាក់

បុណ្យម្តាយ

ម៉ែ ជាអ្នកពរពោះ
ម៉ែ ជាអ្នកបំបៅ
ម៉ែ ជាអ្នកជូតកន្ទោប
ម៉ែ ជាអ្នកមុជទឹកអោយ
ម៉ែ ជាអ្នកអោប ជាអ្នកបី ជាអ្នកលួង ជាអ្នកបំពេរ
ម៉ែ ជាអ្នកបញ្ចុកបាយ
ម៉ែ ជាអ្នកបង្រៀនអោយអង្គុយ អោយឈរ អោយចេះដើរ
ម៉ែ ជាអ្នកបង្រៀនអោយចេះនិយាយ នាំទៅរៀន
ម៉ែ ជាគ្រូបង្រៀននៅផ្ទះ
ម៉ែ ជាអ្នកអោយលុយចាយ អោយលុយរៀន
ម៉ែ ជាអ្នកជួយរៀបចំគូរស្រករអោយ
ម៉ែ ជាអ្នកជួយមើលកូនអោយ
……………………………………….នៅរៀបរាប់មិនអស់ទេពី ម៉ែ

ម៉ែ មានតែមួយ។ នៅពេលដែលយើងមិនទាន់មានកូន យើងអាចមិនដឹងថា ទំហំចិត្តស្រលាញ់របស់ម៉ែចំពោះកូនធំប៉ុនណាទេ។

នៅពេលដែលយើងមានកូន ទើបដឹងថា «កូនជាគ្រប់យ៉ាង
របស់យើង» ហើយពេលនោះក៏នឹងដឹងថា «មែជាគ្រប់យ៉ាងរបស់កូន»។

ទោះម៉ែចាស់ ម៉ែរអ៊ូច្រើន ម៉ែវង្វេង ម៉ែនៅតែជាម៉ែរបស់កូន ជាព្រះរស់របស់កូន។ ម៉ែបានសុខសប្បាយ ទើបកូនមានសុភមង្គល មានកំលាំងចិត្ត។

ស្រលាញ់ម៉ែជានិច្ចណាម៉ែ❤️ សូមម៉ែមានសុខភាពល្អ❤️

ម៉ែជាមនុស្សទីមួយ

មិត្តថ្មីរបស់ខ្ញុំ

មិត្តថ្មីរបស់ខ្ញុំទំរាំដាច់ចិត្តទិញខ្ញុំបានគិតយូរក្រែលដែរ វាជារបស់ដែលខ្ញុំទិញហើយជ្រើសរើសដោយខ្លួនឯង ។ គិតតាំងពីថ្ងៃកក់មក ០៦ ០៣ ២០២២ រហូតដល់បានវាដល់ថ្ងៃគឺ ពីរខែអោយគត់ ចាត់ទុកវាជាការដូរសំរាប់ខ្លួនឯងចុះ

អូនមានពណ៌ប្រផេះ ខ្មៅហៅបាន ថាពណ៌ស្លាបក្អែក
អូនកើតក្នុងឆ្នាំ២០០៨

ជីវិតអ្នករៀន

ជីវិតអ្នករៀនរបៀនវិជ្ជា ខំប្រឹងស្ទុះស្ទាពុះពារពង្រឹង ចំណេះជាទ្រព្យជាប់ជាលំនឹង ហើយក៏ទីពឹងនៃអ្នកសិក្សា។

ខ្លះមានដើមទុនទ្រព្យធនវាល់លាន​ សេដ្ធីអ្នកមានសមតម្រូវការ មិនបារម្ភព្រួយព្រោះរឿងសាលា ទោះថ្លៃយ៉ាងណាគ្រួសារគេមាន។

ចំនែកអ្នកខ្លះខ្វះគ្រប់បែបយ៉ាង មិនមានសំណាងសំណល់ធនធាន គ្រួសារក្រខ្សត់ស៊ីអត់ស៊ីឃ្លាន ហេតុតែចង់រៀនឈានជ្រែកឧបសគ្គ។

ព្រោះបានដឹងច្បាស់បើខ្វះចំណេះ មិនមានតម្រេះនឹងត្រូវគ្រោះថ្នាក់ ជីវិតខ្ទេចខ្ទីប្រែអាប់ប្រឡាក់ មាសប្រាស់ឋានះត្រូវឃ្លាតពីខ្លួន។

បើមានចំណេះចំាជួយនាំផ្លូវពិតល្អពេកកូវត្រឹមត្រូវតាមក្បួន ជីវិតរុងរឿងយសស័ក្តិ

សមសួនញាតិមិត្តជិតខ្លួនខ្លបខ្លាចចេស្តា។

ជីវិតហុឺហា

 ហឺហាបង្ហាញទ្រព្យសម្បតិ្ត ដើម្បីចង់លើកខ្លួនសម្ញែងដាក់អ្នកដ៏ទៃ មិនត្រឹមតែមិនបានលើកខ្លួនអោយមានតម្លៃប៉ុណ្ណោះទេ ផ្ទុយទៅវិញបែរជាគ្មានអ្នកចង់រាប់អានព្រោះគិតថា មនុស្សប្រភេទនេះជាមនុស្សទុកយសឋានះសំខាន់។ មានតែអ្នកដែលឃើញប្រយោជន៏ សម្រាប់ខ្លួនគេប៉ុណ្ណោះទើបយកប្រាណបៀត។

ហ៊ឺហាហំហួនបង្ហាញឬក ទាក់ភ្នែកអោយភ្លឹកនៃអ្នកផង អោយចាប់អារម្មណ៏ហំត្រសង អួតអាងមានខ្នងលុយដុល្លារ។

ជិះឡានម៉ូតូរោទ៏សម្ងែង ធ្វើដូចខ្លួនឯងកូនទេវតា ព្រះឥន្ទព្រះព្រហ្មលោកឧកញ៉ា​ ឥតក្រែងអ្នកណាមិនយោគយល់។

ជីវិតហ៊ឺហាដោយសារប្រាក់ ទាក់ចិត្តយុវះអ្នកងប់ងល់ អន្ទាក់លុយឡានច្រានឬសគល់ រសាប់រសល់ភ្លើនភ្លេចខ្លួន។

នៅពេលដែលអ្នកចាញ់បោកអ្នកនិពន្ធរូបស្រស់សំរស់ទាក់ទាញកូនពីរ

ខ្ញុំជាមនុស្សសំបូរតែទុក្ខជាប់ខ្លួន សប្បាយតែខាងក្រៅ ពេលខ្លះក៏ធ្លាប់មានគំនិតខ្លីដែរ លោតទឹក តែ…..ខ្លាចលង់🤣🤣🤣 មានវិបត្តិតែអត់ដឹងប្រាប់អ្នកណា មិនដឹងមានអ្នកណាទុកចិត្តបាន រហូតដល់មានថ្ងៃមួយខ្ញុំបានស្គាល់អ្នកនិពន្ធដ៏អស្ចារ្យម្នាក់ ហើយរឿងដំបូងដែលខ្ញុំបានអានគឺ Captain ណ្តូលចិត្ត អានចប់ភ្លាម wow អស្ចារ្យ ហើយក៏តាមរកអ្នកនិពន្ធនិងក្រុមគាត់ឈ្មោះក៏ទាក់ទាញដែរផ្លិតដែក រកក្នុងហ្វេសប៊ុកនិងហ្គូហ្គល😂 រហូតដល់ថ្ងៃមួយគាត់ចេញរឿង Superstar បណ្តូលចិត្ត នឹង កញ្ច់ក់ឆ្លុះចិត្ត អូហូចាក់ដោតពិតៗពិសេសវគ្គក្រោយធ្វើអត្ថឃាត យំជោគអស់ក្រដាស់មួយដុំធំ😆 ចឹងតាំងពីអានសៀវភៅហ្នឹងទៅធ្វើអោយខ្ញុំដូរគំនិតពីមុនចេញ ចាប់ផ្តើមយកសៀវភៅ ជាមិត្តនឹង ស្គាល់មនុស្សថ្មី ថ្វីត្បិតទើបតែស្គាល់គ្នាតែមិននឹកស្មានថាដូចស្គាល់គ្នាយូរណាស់ចឹង តាមទិញសៀវភៅគាត់អោយបានមុនគេ រហូតដល់សៀវភៅខ្លះកក់តាំងពីគាត់ទើបចេញក្រប។ អរគុណបង លឹមសន្តិភាពដែលធ្វើអោយខ្ញុំបានផ្លាស់ប្តូរនិងក្រុមផ្លិតដែកផងដែរ អូក្រុមដែកកេះផង។ ជាចុងបញ្ចប់ខ្ញុំមានសំនួរក៏ដូចជាសំនូមពរ កាលណាបងឯងចេញសៀវភៅថ្មី???អ្នកនិពន្ធបណ្តូលចិត្ត🤣🤣🤣 ហើយរកក្រុម បញ្ឆេះ ឃើញនៅ????

Copy form Ratsitha Bun

#SP_books

#លឹមសន្តិភាព

#ផ្លិតដែក និង #ដែកកេះ

លឹម សន្តិភាព អ្នកនិពន្ធ

ជីវិតអ្នកមានសីល

មានសីលល្អល្អះស្គាល់ច្បាស់សិក្ខា បទបញ្ញាតិណាសាស្តាទូន្មាន គេចចេញចាកឆ្ងាយចិត្តកាយមិនហ៊ាន បំពារបំពានប៉ះពាល់ដល់សីល។

ព្រោះយល់ធម៍ពិតគំនិតបញ្ញា វៀរចាកបាណាហះការខូចខិល សម្លុតសម្លាប់គំរាម

ផ្តាច់ផ្តិល ផុតចាកមន្ទិលមេត្តាកើតមាន។

បញ្ឍប់តណ្ហាវៀរចាកកាមេ ប្រពន្ធកូនគេគួរកុំបំពាន ប្តីគេផងដែរស្រីកុំស្រេកឃ្លាន សន្តោសកើតមានគ្មានភ្លើងក្នុងផ្ទះ។

វៀរចាកវាចាមុសាកុហក បោកប្រាសឆឆក់ប្រកែកយកឈ្នះ លែងសេពសុរាប្រាជ្ញាតែងរះ ស្មារតីតេជះឈ្នះមានសត្រូវ។

ជីវិតមានសីលសែនស្រស់បំព្រង ញាតិមិត្តភូមិផងផ្អែមល្អែមស្តីហៅ ជីវិតមាននយ័តម្លៃសែនជ្រៅជាយានឈានទៅទីឋានឧត្តម។

ជីវិតលំបាក

ជីវិតគឺជាការហែលឆ្លងនូវទុក្ខលំបាកនានា

ជីវិតសព្វសត្វលំបាកក្រៃក្រាស់ ជីវិតគ្រាចាស់លំបាកញីញរ័

ជីវិតចាញ់កូនលំបាកថែគភ៍ ជីវិតអ្នកក្រលំបាកគ្រប់យ៉ាង។

ជីវិតនេសាទលំបាករកត្រី ជីវិតស្រីៗលំបាកស្អិតស្អាង ជិវិតអ្នកតូចលំបាកអួតអាង ជីវិតក្មេងកាងលំបាកត្រូវក្រម។

ជីវិតរៀនសូត្រលំបាកធម្មតា ជីវិតស្នេហាលំបាកថ្នាក់ថ្នម ជីវិតកីឡាលំបាកហាត់សម ជីវិតទុក្ខព្រមលំបាកគ្រប់សព្វ។